ليش في مشكلة بنايلة التويني: تحليل سيكونسوي
فرح سلكا
نايلة هي بنت ثورة الأرز وما أدراك ما ثورة الأرز. أكتر ثورة شوفنيية و”كلاس” مارقة على المنطقة، ثورة بتددعي وبتحكي بكل القيم الحقوقية والديموقراطية والمتحضرة بس هي فعليا بعيدة كل البعد عن هيدي الكلمات الكبيره، هي نفسها هيدي الثورة يلي يمكن تكون تسببت بمقتل عشرات العمال السوريين المعترين، بس عن دون قصد أكيد.
- image from www.al-akhbar.com
نايلة هي عضوة بالمجلس النيابي اللبناني حالياً بس ما شفنا منها شي .يمكن لأنها وصلت لمحل ما هي اليوم مش عن جدارة وكاريزما وقوة معينه بل لأنها للأسف متلها متل بقية النسوان في هذا البرلمان المبجل العظيم وصلت من ورا ماضي أبوها الشهيد. نايلة زغتورة ومهضومه وقريبة على القلب فتخيلنا إنو معقول تكون بتفرق شوي عن يلي معها وقبلها، للأسف ما طلع هيدا الشي صح و تبرهن العكس، فكرناها صبيه من عمرنا فمعقول يكون عندها ولع أو حماس أو إندفاع على التغيير على صعيد الشباب واحتياجاتهم/ن كونها شابة، وعلى صعيد النساء والمليون حق يلي أكلتو الدولة عليهن وطلع لا هيدا ولا هيدا بهموها. لحديد هلأ ما مبين إنو هي بتفرق واحد بالمئة عن السيستم يلي نحن عم بنحاربو لا بل هي منو وفي.
نايلة متزوجه “صحافي” من أشطر الصحافية عندنا بلبنان. بياخد أكثر المواضيع الحساسة و بسخفها بدل ما يوصلها للعالم ويوعيهم عليها، بعامل العالم المستضعفين بهيدا المجتمع وبحطهم قدام المشاهدين و كأنون فئران مختبر. نايلة ما كتير بتفرق عن نايلة التانية بالبرلمان يلي كمان شاء القدر إنو توصل من ورا زوجها وشاء القدر إنو تورث ابنها المنصب قبل أن تتنحى، نايلة (الثانية) يلي بتمثل الذكورية أكثر من أي ذكر موجود بل بارلمن يلي بتجمع بونبون هي وعم تتسامر مع صولانج بدل ما تكون عم تعمل شي مفيد للبشرية مقابل الملايين يللي عمبتكبها عليها الشعب الجوعان.
نايلة ما بتتعاطى بشؤون المرأة، فما بالكم بالشؤون النسوية، القوة السياسيه يللي عندها ياها كلياً معزوله عن القوى السياسية يللي نحنا كنسويات بدنا تُستعمل بهيك منصب .ايمتى حكيت نايلة بحق المرا باعطاء الجنسية؟بالعنف الأسري ؟بالتحرش الجنسي؟ بحقوق الأجنبيات يللي عم “تتفركش” عن البلكون وتموت كل يوم والتاني؟
ايمتى؟ شو موقفها من مئات الصراعات يللي عم بتعيشا النسوان كل يوم بسبب غياب قوانين وعدم تطبيق القوانين الموجودة ؟
في أنواع عنصرية مزعجة أكتر من غيرها، متل العنصرية اللاذعة والمستشرية بعقلية بعض الناس وأحسن مثال هو نايلة تويني النائب(ة) بمجلس النواب اللبناني.
نايلة ما بتفهم امور معقدة، حتى الامور يللي مش معقدة وبسيطة كتير متل انو هيدي الشريحة من البشر يللي اسما فلسطينية هنِي عالم عندن حقوق جوهرية غصب عن راس كل لبناني عنصري.
متل انو هايدول الفلسطينية منُن قاعدين بلبنان على راحة الحياة في ونظافة بحرو وهضامة شعبه، قاعدين هون لأنو ما عندهن خيار تاني، متل انو هايدول الفلسطينية منُن ناعمنين بحياة كريمة او حقوق متلتلة متل ما هي متخيلة او حدا مخبرها بالغلط، متل ما انو البلدان العربية التانية يللي فيها فلسطينية وبتعاملهم مليون مرة اشرف واكرم من السيستيم اللبناني(يللي هي بنظرها مكرمهم اكتر من اللزوم) ويلي حاكم عليهم بالحرمان من ابسط حقوقهن.
انو اذا الشي الوحيد يللي قادر يعمله الفلسطيني هون هو انو يحكي وما حدا يسمعلو، ما بيعني انو الشعب اللبناني ونايلة لازم تحملهن جميلة وتقلهن هيدا الشي “بيكفي واسكتوا عن كل شي تاني مانعينكم عنه”، انو للواحدة تكون بتدافع عن حقوق الانسان بدا تكون عم بتدافع وتشوف القمع على صعيد كل العالم، مواطنين او مقيمين، مش بس على صعيد العرق اللبناني السامي وكل حدا تاني عمرو ما ينعطى حقوق.
وفكرة انو الاغلاط يللي صارت بالحرب الاهلية ما بتنلام بس على الاطراف الفلسطينية بس على كل الاطراف بشكل متساوي، وبغض النظر، هايدة الشي ما فينا نعميللو بروجيكشن (اسقاط) على ال500،000 فلسطيني يللي مهجرين هو،نايلة عم تكون عنصرية، عن قصد او جهل، بس عنصرية وللعضم. وعم تخلق من وراها، عن قصد او غيره، ارطة ناس عنصرية عالعمى متلها لاحقينها وعم يقرؤلها ويزقفولها، وبالنهاية اذا ما بتعرف عن موضوع معين كفاية ما ضروري تكتب عنه هالقد.
ما ضروري تخلفي وتعيدي عبارات وجمل غيرك قالوها قبل، تفاهات واكاذيب ومغالطات شو عرَفك اصلاً! بحياتك دعستي بمخيم؟ حكيتي مع ام فلسطينية صارلها 40 سنة هون؟ ولَا فلسطيني بوحدة من مدارس الاونروا؟ ولاَ العمو يللي فل من عكا لهون على رجليه وبعدو ناطر يرجع؟ ولَامع ناس مشردين تلات مرات ورا بعضهن من نهر البارد.
المشكلة بنايلة انو العالم مش شايفين انو في مشكلة واثنين وثلاثة فيها.
Category: Featured, opinions رأي, women's rights, Workers' Rights
A M A Z I N G.
Thank you Farah.
بفتكر موقع نايلة انحسم من ناحية السياسات النسوية من قبل ما تطلع نايبة، بذكر بجلسة حوار أقامتها نعم للحوار انسألت نايلة عن موقفها من وضع المرا كان جوابها على منوال كتير من نساء الطبقة المخملية: المرا ما ناقسها شي، هيّي اللّي بتعمل حالا بحالا وإذا هيّي مش ناجحة يعني مش شاطرة… لا نسوية ولا طبقية ولا ذكورية ونظام قمعي ولا من يحزنون
Well Said!
Thank you,
ولا من يحزنون
Yeslam temmek!
Amal A
اولا مع تحفظي على الرد على ما هو سياسي لكن هذا المقال مستفز وسطحي للغاية
لانه وبرغم احلام النائبة نائلة تويني المستحيلة التحقيق والتي تدل على ان خبرتها بمساحيق التجميل لازالت اكبر من خبرتها بالسياسة
الا انها شخصية جديرة بالاحترام والتقدير
وهي لسيست الوحيدة التي اتت الى البرلمان عن
عبر ارث والدها الشهيد الكثير من الزعماء السياسيين والنواب في البرلمان اللبناني اتو بنفس الطريقة
ثم ان كاتبة المقال تتحدث بسذاجة عن قوانين وتشريعات من شان الحكومة اللبنانية ككل وليس شان شخصي ل نائلة تويني
التي عندما تتحدث عن توجهات معينة فانها تمثل خط سياسي له ارائه وايديولوجيته لذلك يجب ان يصب الانتقاد على ذلك الخط ككل وليس اليها بصفة خاصة
نظرنا الى حجم المسؤوليات ((الشخصية )) التي على عاتق نائلة تويني نجدها كبيرة مقارنة بسنها فهي تدير احدى اكبر الجرائد في لبنان وتساهم في تطويرها بشكل ملموس وهي عضو فاعل في العديد من الهيئات الشبابية والثقافية بالاضافة الى انها لم تكترث للشكليات الدينية وردة الفعل عند زواجها من الزميل مالك مكتبي مؤكدة بذلك الحق على اقرار قانون الزواج المدني الذي اصبح حاجة ملحة وضرورية في لبنان ..
ملاحظة زوجها مالك وهبي
من انجح الصحافيين في لبنان و احد افضل مديري الحوار المباشر على الاطلاق وبرنامجة احمر بالخط العريض ناجح للغاية .
بالاضافة الى انه وسيم جدا وتتمنى ملايين الحاسدات في العالم ان يكون لهن ازواجا بوسامته وثقافته ..
لذلك يا انسة او سيدة فرح سلكا
تعليقك ساذج وسخيف للغاية
وائل حسونه
Great article
كنت ناطرة جواب متل جوابك أستاذ حسونة شكراً
-نائبة؟
-أحلامها لنايلة مستحيلة التحقيق؟ طب تفل وتعطي المحل لغيرها إذا قاعدة موديل ومقتنعة إنو ما فيها تعمل تغيير
-بنظرك أنا ما لازم اعتب على نايلة إنو وصلت بهالطريقة كونه كل “الزعماء”، ويسلم تمك على هالكلمه، وصلوا بنفس المنوال
يعني كونن كلن وصلوا هيك فهي معلي توصل هيك كمان ونحن لازم نغمض عيونا عن الموضوع.. رائع
-”الكثير من الزعماء السياسيين والنواب في البرلمان اللبناني اتو بنفس الطريقة.”
لا يا شيخ!! ما كنت ملاحظة..منذقفلن يعني؟؟
-ليه جديرة بالإحترام والتقدير؟؟
قنعني بقتنع
-كمان بحب ذكرك إنو نايلة هي واحدة من عضوات هيدي الحكومة
وإذا السبب إنو لوحدها ما فيا تغير, ذكرني امتى جربت وواجهت هيدا الحائط المسدود إنو ما حداً تاني بال حكومة دعمها..ولا مرة أو أقل؟؟
-”حجم المسؤوليات الشخصية”؟؟
آخر همي بصراحة مسؤولياتها الشخصية
أنا فييي حاسبها على مسؤلياتها -يللي مش شخصية تجاهي- و تجاه الشعب يلي انتخبها
-مالك مكتبي من انجح الصحافيين بلبنان؟ بأي معيار؟ بمعيارك ومعيار نايلة؟
-وهيدا أكتر شي بضحك من البكي..
“بالاضافة الى انه وسيم جدا”
لأ كلام كتير كبير و موزون هيدا
إذا شخص وسيم, لو سلمنا جدلاً إنو هو وسيم, هيدا بينفي عنو إحتمالية الغباء؟
“وتتمنى ملايين الحاسدات في العالم ان يكون لهن ازواجا بوسامته وثقافته”
عملت إستقصاء عن الموضوع ولا هو مالك ما غيرو عمل بواحد من برامجو إستقصاء عن أديش معجباته الحاسدات طبعاً بيتمنو لالهن
مستقتلين البنات على حدا متلو لا مالك و انا اوللهن، شو بدي قلك يعني.
***
فرح، لا سيدة ولا آنسة
Its a gr8 article Farah! Keep on! And Goodluck!
Wael hassouna, 7adertak 3ala2et 3ala wasemit Malek Maktabe* bass le ma 3alla2et 3ala tari2it tar7o lal mwadi3 … 2w 3ala siyeght el mawdi3 w bel nesbe la 7adisak 3an Nayla she still young … w bonsa7a tet3alam men hal neswen yale 7kiyet 3anon ino by3mlo 7alon men 7alon … w te3la shway 3an mostawa tefkira w tetsa2af men 5oborat hal hayet men 5ilel hal neswen …
Allah yehdiya w yehdik
Peace for all!
العزيزة فرح
انتظار تعليق مشابه لتعليقي ان في ذلك اطراء غير مباشر …lol
بالنسبة لردك بهذا الحجم افضل عدم التعليق عليه
لانه لم يضف شيئا جديدا وجيد انه كتبته بالكومبيوتر لانه لو كانت الكتابة لا تزال بخط اليد لاعطيتك (حق الحبر)
وفقك الرب
وبالنسبة لكارلا
الله يهدي الكل
مح تحياتي